Një raport i fundit i Organizatës Botërore të Punës e klasifikon Shqipërinë në 10 vendet e fundit të botës për mbrojtjen e të papunëve.
Buxheti i shtetit në shqipëri ofron ndihmë vetëm 6.9 përqind të të papunëve, ndërsa pjesa tjetër prej 93.1 përqind nuk marrin asnjë pagesë sociale. Këtë nivel e kan edhe 9 vende të tjera si Argjentina, Tunizia, Bosnja, Afganistani dhe disa vende të tjera. Austria ka mbulimin më të lartë ku qeveria mbështet me pagesa direkte nga buxheti rreth 90 përqind të të papunëve.
Përgjithësisht në vendet e varfra qeveritë ofrojnë ndihmë vetëm për një pjesë të të papunëve, çka sipas raportit lidhet me nivelin e ulët të të ardhurave dhe buxhetet e vogla që kanë këto vende.
