Virusi vdekjeprurës që ka alarmuar botën mbarë, tanimë zyrtarisht ka mbërritur në Shqipëri.
Dy persona, babë e bir që udhëtonin nga Italia drejt vendit tonë, kanë shfaqur shenjat e Coronavirusit, teksa ministria e Shëndetësisë ka konfirmuar rastet. Në një situatë kur shumica e Europës ka kyçur stadiumet për tifozët ose ka anulluar aktivitetet sportive, një gjë e tillë mund të ndodhë edhe në vendin tonë.
Sipas asaj që raporton “Procesi Sportiv”, mbyllja e stadiumeve dhe zhvillimi i aktiviteteve pa tifozë do të jetë një ndër masat që pritet të merret nga Qeveria shqiptare, ministria e Shëndetësisë dhe FSHF. Teksa në Itali kanë ndërruar jetë më qindra persona, Coronavirusi dhe shenjat e tij në Shqipëri mund të shtyjnë organizmat që të mbyllin dyert për tifozët.
