Ish ministri Jashtëm, Edmond Haxhinasto ka komentuar marrjen e kryesimit të presidencës së OSBE-së nga Shqipëria.
I ftuar në studion e lajmeve në Fax News, Haxhinasto u shpreh se kjo nuk është marrë në bazë të meritës së vendit, por nga një sërë kërkesash që bëhen për vite rresht.
Ish-Ministri u shpreh se presidenca e OSBE-së është një përgjegjësi e lartë kombëtare e cila tregon edhe maturinë kombëtare.
“Presidenca nuk merret në bazë të meritës, por në bazë të kërkesave që bëjnë vendet e ndryshme për disa vitesh rresht. Kur vjen momenti fillojnë përgatitjet përkatëse bashkë me sekretariatin e organizatës. Dua ta vlerësoj si moment të rëndësishem sepse është një mundësi e mirë për Shqëipërinë dhe reputacionin tonë kombëtar. Kjo është një përgjegësi e lartë kombëtare.
E theksoj në fund të fundit tregon për maturinë tonë ndërkombëtare. Dëshiroj që presidenca e shqiptarëve të jetë e sukseshme, sepse tregon për prestigjin tonë ndërkombëtar. Çështja sesa Shqipëria ka në shtëpi standardet që përpiqet për ti avancuar në presidencën e saj të OSBE-së, është çështje për tu diskutuar dhe për mendimin tim nuk ka lidhje.”- u shpreh Haxhinasto.
