Kompania amerikane e prodhimit të armëve luftarake, Lockheed Martin është shpallur fituese e kontratës me vlerë $309 milionë dollarë për prodhimin e raketave anti-tank Javelin.
Raketat Javelin prodhohen bashkërisht nga njësia raketore e Lockheed dhe Raytheon Technologies.
Kërkesa për raketa Javelin mbetet e lartë edhe për shkak të luftës në Ukrainë, ku ato u përdorën për të ndaluar tanket ruse të përparonin në kryeqytet, në një betejë artilerie në lindje të Ukrainës.
Deri më tani, Shtetet e Bashkuara kanë dërguar më shumë se 5,500 sisteme Javelin në Ukrainë.
Kontraktori amerikan tha se mbi 1,300 raketa do të prodhohen për Ukrainën si dhe porosi për disa klientë ndërkombëtarë, duke përfshirë Norvegjinë, Shqipërinë, Letoninë dhe Tajlandën.
Së fundmi, Lockheed raportoi se po punon për rritjen e kapacitetit të prodhimit të raketave brenda një viti, numër që aktualisht është rreth 2,100.
