ZvKryeministrja Senida Mesi ndodhet në një vizitë në Kosovë, ndërsa ka zhvilluar takime me homologun Enver Hoxhaj dhe Ministrin e Tregtisë & Industrisë Bajram Hasani.
Mesi ka nënvizuar bashkëpunimin e ngushtë politik që ekziston mes dy vendeve, si edhe ndërveprimin vëllazëror që karakterizon Shqipërinë dhe Kosovën.
Lidhur me mbledhjen e ardhshme të përbashkët mes dy qeverive që do të realizohet me datë 27-28 Nëntor në Shqipëri, të dy zëvendës kryeministrat kanë bashkëbiseduar për produktet konkrete që priten të përmbushen së shpejti si rezultat i këtij takimi, dhe kanë nënvizuar gjithashtu rëndësinë e koordinimit për të çuar përpara çdo agjendë që është në interes të dy vendeve.
Gjatë vizitës në Prishtinë, Mesi u takua gjithashtu edhe me Ministrin e Tregtisë dhe Industrisë së Kosovës Bajram Hasani, ku në fokus të bisedës ishte thellimi i marrëdhënieve tregtare mes dy vendeve.
Ato diskutuan gjithashtu edhe për krijimin e lehtësirave për produktet që eksportohen nga Shqipëria në Kosovë dhe anasjelltas.
http://shqiptarja.com/home/1/shqiperia-dhe-kosova-gati-per-mbledhjen-e-dy-qeverive–454448.html?pos_2
