Nga Gazmend Kapllani
Gëzuar Shqipëri.
Përvjetori tjetër të gjejë me pak të korruptuar dhe më shumë të punësuar.
Me më pak kopukë dhe hajdutë, me më shumë të ditur dhe poetë.
Me më pak të varfër (ke ende kaq shumë!).
Me më pak tregtarë droge dhe me më shumë njerëz të ndershëm.
Me më pak njerëz të aftë që të duan të ikin sa me larg dhe të mos kthehen më.
Me më pak patriotë që llomotisin kot (sa më shumë varfëri mendore aq me shumë patritotë që llomotisin kot).
Me më pak, me aspak, dhunë ndaj grave.
Me më shumë tolerancë, barazi dhe shpresë.
Me më shumë drejtësi (sepse, atje ku nuk ka drejtësi atdheu bëhet barrë dhe varr).
Me më pak të fortë dhe me më shumë mendjehapur.
Me më pak nostalgjikë të qoftë largut që të ktheu në burg dhe bunker për gjysmë shekulli.
Me më shumë vetëdije.
Paç gjithmonë e më pak nevojë për heronj.
(Teksti/foto: Eqrem bej Vlora, Kujtime (1885-1925)
