Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Shpëtim Idrizi: Shëndet për shqiptarinë!

Nga Rexhina Biba 0

Nënkryetari i Kuvendit, Shpëtim Idrizi në urimin e tij për Vitin e Ri thekson se shqiptaria mund të jetë shëndetligë, por kurrë nuk është rrëzuar. Sipas tij, për Çështjen Çame ka mbërritur ora e mbarë.

Më poshtë shënimi-urim i kryetarit të PDIU-së:

Të dashur miq,

Shqiptaria ka qenë përherë shëndetligë, por asnjëherë nuk ka rënë, kurrë nuk u gjunjëzua.

Ndaj pikësëpari dua të uroj shëndet për çdo shqiptar dhe shëndet të plotë për shqiptarinë.

Gëzuar e një vit të mbarë për të gjithë shqiptarët, ku i ka vendosur Zoti në Shqipëri, Kosovë, Maqedoni, Çamëri, Malin e Zi dhe Diasporë!

Viti që sapo lamë pas na dha disa kumte të mira, por edhe të këqija. Armiqtë na sfidojnë me muret të larta si në Mitrovicë apo paragenocid si në Preshevë, Bujanoc dhe Medvegjë.

Miqtë na kanë gëzuar me njohjen e Çështjes Çame në Bashkimin Europian, me përparimin në fushën integrimit europian si për Shqipërinë, ashtu dhe Kosovën.

Këto ngjarje sit ë mira, si të këqija duhet t’i përjetojmë me urtinë dhe guximin e patriotit.

Qoftë ky një vit i mbarë me më shumë pozitivitet, harmoni, e dashuri mes shqiptarëve!

Qoftë vit i mbarë për Çamërinë! E mbajtëm padrejtësinë e diskriminimin mbi shpinë si Gurin e Sizifit, të sigurtë që drejtësia do të triumfojë një ditë e shpirtrat e gjyshërve tanë një ditë do të gjejnë prehje.

Sot, falë Zotit e përkrahjes së gjithë shqiptarëve gurin e mundimeve e ngjitëm në majë të malit. Tani të gjithë bashkë do bëjmë të mundur qëOra e mbarë për Çamërinë të mos mënojë!”

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej