Pas ndeshjes së bamirësisë të zhvilluar mes ish-futbollistëve të Tiranës, kreu i PDIU, Shpëtim Idrizi i është gjendur pranë njërit prej legjendarëve të Tiranës siç është Artur Lekbello.
Për shkak të një sëmundje të rrallë, Lekbello ka bërë që shumë njerëz, qofshin të sportit apo jo, të kontribuojnë sadopak për ish-lojtarin bardheblu.
Me anë të një postimi në facebook ish-futbollisti i Tiranës dhe aktualisht kreu i PDIU, Shpëtim Idrizi ka publikuar një foto me Tushen ku shkruan:
“Në pamundësi për të qenë dje në ndeshjen mes miqve të mi, sot isha me mikun tim Artur Lekbellon (Tushen), me të cilin ndaj kujtimet më të bukura tek Tirona, të cilin sëmundja po e mundon. Jemi bashkë në ditë të mira e të vështira. Zoti të shëroftë miku im!”
