Një shpërthim i fuqishëm është shënuar në qendër të Parisit mëngjesin e së shtunës. Shpërthimi ka ndodhur në një furrë buke në Rue de Trevise. Dyshohet se si pasojë e shpërthimit kanë mbetur të plagosur mbi 30 persona.
Policia i bën thirrje qytetarëve të qëndrojnë larg zonës ku ndodhi shpërthimi. Informacionet e para tregojnë se shpërthimi mund të jetë shkaktuar nga një rrjedhje gazi në një furrë rreth orës 09:00. Furra ‘Hubert’ nuk ishte hapur në kohën e shpërthimit, raporton gazeta Le Parisien.
