Një ngjarje tronditëse ka ndodhur sot në qytetin e Korçës. Shpërthimi i bolierit të dushit ka plagosur një vogëlush 8-vjeçar. I mituri ka mbetur i plagosur rëndë, pasi ka qenë duke bërë dush në shtëpinë e tij, kur ka shpërthyer bolieri.
Menjëherë familjarët i kanë ardhur në ndihmë 8-vjeçarit, por ai është dëmtuar rëndë dhe është dërguar me shpejtësi për në spitalin e Korçës ku po merr edhe ndihmën mjekësore, raporton Oranews.
Në vendin e ngjarjes ka mbërritur edhe policia e cila ka nisur hetimet për zbardhjen e rrethanave të ngjarjes.
Dëme të konsiderueshme materiale ka pësuar edhe banesa ku ndodhi ngjarja.
