Policia e Durrësit ka finalizuar operacionin “Drug Dealer“, ku janë sekuestruar një sasi lënde narkotike e llojit cannabis sativa. Policia gjithashtu ka vënë në pranga 27-vjeçarin që posedonte sendet e kundërligjshme dhe shpërndante lëndën narkotike, në doza.
27-vjeçari me inicialet M.M, banues në lagjen nr.13 të Durrësit, konsumonte dhe shpërndante lëndë narkotike.
Gjatë kontrollit të ushtruar në banesën e tij, policia gjeti dhe sekuestronte në cilësinë e provës materiale, 50 g lëndë narkotike e llojit cannabis sativa, një krëhër automatiku dhe një sasi fishekësh.
Materialet i kaluan Prokurorisë pranë Gjykatës së Shkallës së Parë Durrës, për veprime të mëtejshme.
