19 persona, mes tyre 5 shqiptarë janë vënë në prangat e policisë italiane pasi akuzohen për shpërndarje droge në Milano dhe Monza.
Organizata kriminale në të cilën ishin pjesë tregtonte kryesisht kokainë dhe marijuanë. Në cilësinë e provës materiale policia ka sekuestroi 16 kg marijuanë, 1 kg kokainë dhe 10.000 euro.
Të arrestuarit, 12 italianë, 5 shqiptarë, një rumun dhe një moldav janë të moshës ndërmejt 23 dhe 49 vjeç.
Bastisjet u kryen në Milano, Monza, Brianza, Bergamo, Genoa, Nuoro, Pavia, Verbania dhe Vercelli.
Mësohet se hetimet kishin nisur që prej marsit të një viti më parë, kur policia ndaloi shoferin e një Camperi (shtëpi lëvizëse) që vinte nga Spanja. Në pjesën fundore të kabinës së dushit u gjetën të fshehura 11 kg marijuanë. Hetimet më pas çuan në arrestimin e 9 personave të tjerë.
