Kreu i Komunës së Prishtinës, Shpend Ahmeti, dhe asistenti i tij, Nezir Ismaili, janë kanosur.
Zëdhënësja e policisë për rajonin e Prishtinës, Florie Ahmeti ka bërë me dine incidenti e kanosjes ndaj personit zyrtar.
“Sot rreth ora 11:00 në stacionin policor “Qendra” është iniciuar një rast “Kanosje ndaj personit zyrtar”. Rasti ka ndodhur në rrugën “UÇK” në Prishtinë, në objektin e Komunës. Me rastin po merren njësitet kompetente”, ka theksuar Ahmeti.
Ndërkaq burime për Gazeta Express kanë treguar se bëhet fjalë për kryetarin e Komunës së Prishtinës, Shpend Ahmeti si dhe asistentin e tij, Nezir Ismaili.
