Sapo ka mbërritur në selinë e PD-së, Ndihmës Sekretari i Shtetit i SHBA për Çështjet Europiane, Gabriel Escobar.
Zyrtari i lartë amerikan ka planifikuar një takim zyrtar me kryedemokratin Lulzim Bashën ndërsa thelbi i diskutimit do të jetë lufta kundër politikanëve të korruptuar.
Escobar është shoqëruar nga ambasadorja amerikane, Yuri Kim teksa të dy i janë drejtuar selisë së blu. Escobar u prit në ambientet e jashtme të selisë së PD-së nga Sekretari i Përgjithshëm i Partisë Demokratike Gazmend Bardhi, dhe Jorida Tabaku ku më pas u ngjit drejt zyrës së kryetarit të PD-së Basha për të vijuar takimin e parashikuar me të.
Takimi me liderin e PD-së nuk do të jetë kokë më kokë, pasi në tryezë do të jetë e gjithë kupola e PD-së nga sekretari, n/kryetarët dhe kreu i grupit parlamentar demokrat.
Pas takimit Lulzim Basha do të ketë një prononcim për mediat, ndërsa Gabriel Escobar do të vijojë takimet e tjera mes të cilave me kryeministrin Edi Rama.
