Ka shkuar në 3 numri i të infektuarëve nga koronavirusi në Kosovë, duke u identifikuar një tjetër person ditën e sotme. Dy të infektuarit e parë me Covid-19 janë një shtetase italiane 20-vjeçare dhe një 70-vjeçar nga Kosova.
Sipas ministrit Vitia dy pacientët ndodhen në gjendje të qëndrueshme, ndërsa ka nisur puna për gjurmin e personave me të cilët mund të kenë patur kontakte.
Në mbledhjen e orës 19.00 të ditës së djeshme të qeverisë Kurti, është vendosur ndalimi i hyrje-daljeve në Klinë dhe Viti, aty ku u shfaqën dy rastet e para, ndërprerja e transportit ndërurban në Kosovë dhe atë ndërkombëtar, mbyllja e kufijve tokësor për shtetasit e huaj që hyjnë në vend (jo për shtetasit kosovarë).
Nga data 16 mars 2020, në ora 24 bëhet pezullimi i përkohshëm i të gjitha linjave të fluturimit në Aeroportin Ndërkombëtar të Prishtinës, përveç fluturimeve ushtarake dhe medicinale, përjashtim bëjnë fluturimet në ardhje, por pa pasagjer (vetëm për të marrë udhëtar).
