Klinika Infektive në Kosovë ka njoftuar se ka humbur jetën një tjetër person i prekur nga COVID-19. Numri i viktimave nga koronavirusi në Kosovë shkon në 12.
Sipas njoftimit, pacienti S.M. nga Komuna e Ferizajt i cili ishte infektuar me coronavirus ka qenë në gjendje të rëndë që nga pranimi dhe kishte sëmundje të tjera shoqëruese.
“Pacienti ka qenë në gjendje të rëndë që nga pranimi në Klinikën Infektive, testi për SARS-CoV- 2 ka rezultuar pozitiv dhe përveç sëmundjes COVID-19 ka pasur edhe sëmundje të tjera shoqëruese”, thuhet në njoftim.
