Komisioni Kombëtar i Shëndetit në provincën Hubei raportoi të hënën për 57 viktima të reja, duke bërë që numri i të vdekurve nga koronavirusi në Kinë të arrij në 361 viktima.
Në total janë mbi 17,200 njerëz të prekur nga kjo sëmundje në gjithë Kinën. Hubei, vendi ku sëmundja është raportuar për herë të parë në muajin dhjetor, është izoluar pothuajse tërësisht: gati të gjitha rrugët dhe transportet publike janë mbyllur.
Të dielën, viktima e parë nga koronavirusi jashtë Kinës është raportuar në Filipine. Rusia, Britania dhe Suedia janë në mesin e vendeve të fundit që i kanë konfirmuar rastet e para me këtë koronavirus.
