Policia e Shkodrës ka arrestuar një 62 vjeçar pasi u kap me 37 kg kanabis. Gjatë operacionit “Limitless-2” u vu në pranga shtetasi Gjon Marashi, 62 vjeç, banues në Gimaj, Shkodër.
Gjatë kontrollit policia i gjeti në oborrin e banesës 37 kg Cannabis Sattiva, 194 gram farë e bimës narkotike, 9 granata dore e 3 krehëra fishekësh. Gjithashtu në një distancë rreth 500 metra larg banesës janë gjetur të hapura dy parcela në të cilën ishin 88 gropa me nga tre fidanë, gjithsej 264 fidanë të dyshuar Cannabis Sattiva.
