Ende vijojnë përpjekjet e bonorëve të zonave të përmbytura në Shkodër për të marrë dëmshpërblimet për përmbytjet e ndodhura në vitin 2010-2011.
Ditën e sotme dhjetra banorë me pankarta në duar kanë nisur një marshim tek pedonalja e qytetit dhe në disa rrugë kryesore.
Banorët kërkojnë dëmshpërblim për dëmet e shkaktuara në bujqësi, shtëpi dhe në biznese.
“Mos e veço Shkodrën nga pikëpamja politike”, “Në grevë urie na ndalove banjon”, “Banesa, bujqësi, biznese, bimë dekorative siç janë vlerësuar” shkruhet në pankartat e banorëve.
Disa ditë më parë banorët protestuan para Prefekturës së qytetit dhe u bënë pjesë e një greve urie të cilën e ndërprenë për shkak të kushteve të vështira.
