Nga Qendra Mjekësore “Erasmus” në Roterdam dhe Universiteti i Utrecht-it, një ekip prej 10 studiuesish pretendojnë se kanë zbuluar një antitrup të aftë të shkëpusë infeksionin nga koronavirusi.
Zbulimi mund të çojë në një ilaç antiviral dhe në aftësinë që njerëzit të testojnë veten në shtëpi për praninë apo të virusit. Artikulli i studiuesve po kalon një përmbledhje të detajuar nga studiuesit e tjerë në platformën online BioRxiv dhe më pas do të botohet nga revista shkencore “Nature”.
“Këtu raportojmë një antitrup monoklonal njerëzor që neutralizon SARS-CoV-2 (dhe SARS-CoV)”, thonë studiuesit. Ata pretendojnë se antitrupi që kanë zbuluar “neutralizon” virusin dhe “ofron mundësinë për të parandaluar ose trajtuar COVID-19, dhe ndoshta edhe sëmundje të tjera që shfaqen në të ardhmen tek njerëzit.”
“Me sa dimë, ky është antitrupi i parë që bllokon infeksionin,” shpjegoi Grosveld për revistën.
“Të gjesh diçka të tillë është shumë e rrallë,” u shpreh ai.
Ky zbulim i studiuesve mund të mos sjellë prodhimin e një vaksine, por mund të përdoret për të krijuar një ilaç që do të përdoret për të prekurit nga koronavirusi.
Por, prodhimi i këtij ilaçi do të dojë shumë kosto dhe muaj testime, megjithëse do të mund të prodhohej më shpejt sesa një vaksinë.
“Tani ne po mundohemi të marrim një kompani farmaceutike në bord, një që duket premtuese, që mund të prodhojë antitrupat në një shkallë të gjerë si ilaç,”, tha Grosveld.
