Dy shtetas shqiptarë dhe tre grekë janë arrestuar në dy operacione të policisë së Greqisë, në Kostur dhe Selanik.
Policia ka komunikuar se dy makina që po lëviznin në aksin rrugor Kostur – Selanik janë ndaluar për kontroll dhe në brendësi të automjetit të parë u gjetën katër çanta udhëtimi me 87 kg kanabis të ambalazhuara në 75 qese plastmasi.
Drejtuesi i mjetit të parë, shtetas shqiptar i moshës 53 vjeç dhe një shtetas grek, i moshës 31 vjeç, u arrestuan. Gjithashtu u arrestuan dhe dy shtetasit grekë që ndodheshin në mjetin e dytë, që kishte edhe rolin e pararojës.
Në vazhdim të hetimeve, policia greke ka identifikuar dhe arrestuar një shtetas shqiptar të moshës 43 vjeç, si kreun e grupit të trafikantëve.
