13 persona kanë rënë në prangat e policisë italiane mëngjesin e sotëm pasi akuzohen për shitje të lëndëve narkotike.
Gjatë operacionit, u sekuestruan një kilogram dhe 130 grama hashash, 370 grama kokainë dhe shuma të mëdha parash të ardhura nga veprimtaria e paligjshme.
Lënda narkotike transportohej me makina speciale që ishin modifikuar posaçërisht, ndërsa trafikimi ishte organizuar nga dy shqiptarë dhe një rumun.
Midis personave të përfshirë në operacionin “Bazar” ishte një infermiere nga Ostia që herë pas here furnizonte sheshin e tregut të Fiuggi.
Shtetasit shqiptarë që përfunduan në pranga janë: Myftar Balliu, 27 vjeç, i njohur si Angelo i lindur në Shqipëri por që jeton në Ferentino; Mateo Balliu, 22 vjeç, gjithashtu banues në Fansino, si dhe Fjoralb Fejzo, 22 vjeç, banues në Ferentino.
