Policia e Tiranës ka shkatërruar një bandë prostitucioni në kryeqytet, duke arrestuar 11 persona, ndërsa 10 të tjerë do të procedohen në gjendje të lirë.
Drejtori i policisë së Tiranës, Ervin Hodaj në një deklaratë për mediat pohoi se mes të arrestuarve është edhe një punojës i policisë së Tiranës, Elton Shterpi. Në hetim do të jenë edhe gjashtë vajza të cilat janë ndaluar së bashku me klientët e tyre, gjatë bastisjes së disa hoteleve në Tiranë.
Ndërkohë, vajzat e moshave të ndryshme rekrutoheshin për të ushtruar prostitucion nga dy femra Ambra I. dhe Fllanxe A.
Arrestimi i këtij grupi kriminal erdhi si rezultat i një hetimi 5 mujor nga ana e policisë së Tiranës.
Të arrestuarit janë:
1. Fllanxe.A ,37 vjeçe, lindur në Dibër, me shtetësi Maqedonase dhe banuese në Tiranë. Arrestuar për veprën penale të “Shfrytëzimit të Prostitucionit”, parashikuar nga neni 114 i K.penal, me preçedent të mëparshëm penal për të njëjtën tendence kriminale.
2. Ambra .I, 21 vjeçe lindur dhe banuese në Tiranë, e dënuar më parë për të njëjtën veper penale. Arrestuar për veprën penale të “Shfrytëzim Prostitucionit” parashikuar nga neni 114 i K. Penal
3. Anxhela Xh, 36 vjeçe ,banuese në Tiranë. Arrestuar për veprën penale të “Prostitucionit “dhe “Shfrytëzim Prostitucioni”,parashikuar nga nenet 113 dhe 114 të Kodit Penal.
4. Maringlen Ahmetaj, vjeç 33 banues në Tiranë, “TAKSIST ”. Ndaluar për veprën penale të “Shfrytëzim Prostitucionit”,dhe “Shitjes narkotikëve”parashikuar nga nenet 114 dhe 283 te K. Penal.
5. Arben Bici,36 vjeç ,banues në Tiranë, “TAKSIST ”. Ndaluar për veprën penale të “Shfrytëzim të Prostitucionit në bashkëpunim”, parashikuar nga neni 114 dhe 25 i K.Penal.
6. Përparim Kola,41 vjeç ,lindur në Pukë dhe banues në Tiranë, “TAKSIST”. Ndaluar për veprën penale të ” Mos kallzimit të krimit”parashikuar nga neni 300 i Kodit Penal.
7. Kujtim Karamuça,50 vjeç, lindur në Librazhd dhe banues në Tiranë,“ TAKSIST ”. Ndaluar për veprën penale të ” Shfrytëzimit të Prostitucionit “dhe Shitjes së narkotikëve, parashikuar nga nenet 114 dhe 283 te Kodit Penal.
8. Lendi Stefani, 47 vjeç lindur dhe banues në Tiranë .Arrestuar për veprën penale “Përshtatja e ambjenteve për përdorim droge” parashikuar nga neni 285/a i Kodit Penal.
9. Gjergji Rusa, 24 vjeç,lindur dhe banues ne Tiranë.Arrestuar për veprën penale të“Prostitucionit”, neni 113 i K. penal.
10. Albion Todri, 32 vjeç ,lindur ne Berat dhe banues ne Tiranë .Arrestuar për veprën penale “Shitje, prodhim narkotikësh” dhe “prostitucion” parashikuar nga neni 283 dhe 113 i Kodit Penal.
11. Elton Shtrepi, 32 vjeç, banues në Tiranë me detyrë punonjës policie. Ndaluar për veprën penale të “Ushtrimi i ndikimit të autoritetit të paligjshëm ” Shfrytëzim prostitucioni kryer në bashkëpunim , dhe Moskallëzim krimi”, parashikuar nga nenet 245/1, 114 / 25 dhe neni 300 i Kodit Penal .
