Kryetari i Partisë Demokratike Sali Berisha ka komentuar edhe shkarkimin e ish- Drejtorit të Përgjithshëm të Policisë Gledis Nano.
Sipas tij, Nano u shkarkua nga detyra, për afera të kryeministrit Edi Rama.
“Nuk kam asnjë respekt të veçantë për Gledis Nanon, u zgjodh mbi kritere partiake, por largimi i tij ishte politik se u shkeli na kallo. Thuhet edhe se largimi i tij kishte lidhje me kontenierin e kokainës që u la 5 javë në port derisa u vodhe e gjithë droga dhe kjo nuk duhet të dilte. Kjo e tërboi Ramën. Thuhet edhe se ky takoi Jenor apo Jetmir Latën që i tha ndër të tjera se Ardi Veliu paguhej shumë nga Ervis Martini. E sigurt është që zhvillimi është brenda familjes Rama. Atë nuk e hiqte kurrë askush veç Ramës, e ka vetëm kryeministri, ministri nuk e shkarkon dot. Ai u hoq për afera të Ramës”, tha Berisha.
