Ky është lokali ku ndodhi vrasja e Agron Metushit. 51-vjeçari u vra me armë zjarri në orët e para të mëngjesit të sotëm në Vaun e Dejës, në fshatin Shelqet.
Policia bën të ditur se pas një konflikti për motive të dobëta, dyshohet se Alfons Palushani, 37 vjeç, banues në fshatin Stajkë vrau Metushin, banues në Shkodër.
Sipas uniformave blu, dyshohet se gjithçka ka ndodhur pas një konflikti të çastit mes autorit dhe viktimës. Pasi kanë debatuar në lokalin e fshatit, 37-vjeçari ka shkuar në banesë ka marrë armën e zjarrit kallashnikov dhe në momentin që 51-vjeçari ka hipur në automjetin e tij për tu larguar 37-vjeçari e ka qëlluar me armë zjarri. Autori fillimisht u arratis mirëpo u vu në pranga nga policia pas disa orësh.
