Policia e Gjirokastrës ka zbardhur dinamikën e ngjarjes së djeshme ku mbeti i lënduar një 33-vjeçar. Në konflikt e sipër dy të rinj kanë sulmuar me thikë dhe sende të forta 33-vjeçarin.
Si rrjedhojë sot është arrestuar njëri prej autorëve të dyshuar ndërkohë është shpallur në kërkim bashkëpunëtori i tij.
I arrestuari ndihmoi autorin e shpallur në kërkim, për t’u larguar nga vendi i ngjarjes, duke e transportuar me automjet. Në cilësinë e provës materiale u sekuestrua automjeti. Vijon puna intensive për kapjen dhe vënien përpara përgjegjësisë ligjore të shtetasit P. K.
Materialet i kaluan Prokurorisë pranë Gjykatës së Shkallës së Parë Gjirokastër, për veprat penale “Vrasja me dashje”, e kryer në bashkëpunim, mbetur në tentativë dhe “Përkrahja e autorit të krimit”.
