Ka ndërruar jetë në spital njëri nga vëllezërit e plagosur dje në Bathore pas një sherri i cili nisi me grushte dhe përfundoi me armë.

Në sherr u përfshinë 6 persona ndërsa pak minuta pas ngjarjes policia arrestoi  shtetasit Rasim C., 49 vjeç, L. C., 16 vjeç (djali i Rasim C.), Altin Barlika, 38 vjeç, (daja i K.P.), K. P., 16 vjeç të gjithë banues në Tiranë.

Policia sqaron si ndodhi ngjarja si ndodhi ngjarja:

Dy 16-vjeçarët K. P. dhe L. C., janë konfliktuar midis tyre për motive të dobëta. Në këtë konflikt janë përfshirë edhe shtetasit Aleksandër Barlika, Altin Barlika (dajat e shtetasit K. P.) dhe Rasim C. (babai i L. C.), të cilët janë konfliktuar fillimisht me mjete të forta me njëri-tjetrin.

Konflikt i cili më pas është përshkallëzuar në përdorim të armëve të zjarrit, e më saktësisht, shtetasit Aleksandër Barlika (Bajrami) dhe Altin Barlika (vëllezër ndërmjet tyre) të shoqëruar dhe nga nipi i tyre K. P., kanë nxjerrë një armë tip pistolete dhe kanë tentuar të qëllojnë ndaj shtetasve L. C., D. C. dhe Rasim C., ku në këtë kohë duke përfituar nga gjendja e rrëmujës së krijuar, shtetasi L. C., ka marrë një armë gjahu, tip cifte me të cilën ka qëlluar shtetasin Aleksander Barlika i cili ka gjetur vdekjen si pasojë e plagëve të marra dhe dëmtime të lehta trupore shtetasi Altin Barlika.