Glodian Gjoka dhe Pashk Prenga janë arrestuar nga policia e Divjakës.
Gjoka dyshohet se pas një konflikti për motive të dobëta me Prengën ka qëlluar me armë zjarri drejt tij, për ta kanosur.
Policia jep detaje se më pas Prenga dyshohet se ka shkuar në banesën e Gjokës dhe ka kanosur familjarët e tij, me armë zjarri. Të arrestuarit pritet të përballen me akuzën për veprën penale “Kanosja” dhe “Mbajtja pa leje e armëve luftarake dhe municioneve”.
Vijon puna për gjetjen dhe sekuestrimin e armëve të zjarrit që posedonin 2 të arrestuarit. Materialet procedurale janë referuar në Prokurorinë pranë Gjykatës së Rrethit Gjyqësor Lezhë, për veprime të mëtejshme.
