Jurgen Duka ndërroi jetë pak pas mesnate në një market në rrugën “Irfan Tomini” në Tiranë. Ai u vra pas sherrit për radhën në market.
Siç duket nga pamjet e publikuara nga “News24” disa të rinj, përfshi edhe Dukën janë konfliktuar fillimisht për radhën dhe pas disa sekondash, autori ka nxjerrë armën duke e qëlluar Dukën disa herë, gjë që i ka shkaktuar atij vdekjen.
Pas ndalimit nga policia, shoku Jurgen Dukës ka deklaruar para policisë se sherri ka nisur për radhën në market.
Viktima dhe autori ishin futur në market si klient dhe debati ka nisur kush do paguante i pari. Pas ngjarjes autori është larguar me një makinë.
Sakaq, 29-vjeçari humbi jetën te spitali i Traumës. Sipas policisë, nga verifikimet e kryera rezulton se viktima është person me precedent të mëparshëm kriminale.
