Një i ri mbeti i vrarë pasi u qëllua me armë zjarri në Korçë, të enjten në mbrëmje. 35-vjeçari Altin Balliu, nga fshati Slatinjë i Pogradecit, u ekzekutua me dy plumba në “lagjen 10” të qytetit.
Policia ka shoqëruar rreth 20 persona, ndërsa si autor i dyshuar i ngjarjes është Olger Mustafaraj.
Sipas policisë viktima ka qenë brenda një lokali, bashkë me disa persona të tjerë. Fillimisht sherri ka nisur verbalisht në tavolinën ku ndodhej autori. Pas disa minutash dy personat janë përleshur fizikisht dhe kanë dalë jashtë.
Vrasja ka ndodhur pas konfliktit që autori kishte pasur në një lokal me viktimën dhe shokët e tij, për shkak të bllokimit të rrugës me makinë nga miqtë e 35-vjeçarit.
