Një incident i rëndë është raportuar në një nga linjat e transportit urban në Tiranë.
Burime nga policia bëjnë me dije se tre persona kanë goditur shoferin e linjës Qendër-Institut. Ngjarja ka ndodhur ditën e djeshme, ndërsa sot është bërë arrestimi i tre personave të cilët u konfliktuan me drejtuesin e urbanit.
Nuk dihen saktë motivet e konfliktit. I arrestuari është identifikuar me iniciale Gj. Rr., 46 vjeç, banues në Tiranë.
Ndërsa është vënë në hetim personi i identifikuar me iniciale Sh. Sh., 56 vjeç, për veprën penale “Goditja për shkak të detyrës”.
