Një sherr që ka degraduar në përplasje fizike raportohet të ketë ndodhur në qytetin e Sarandës.
Sipas Policisë, ngjarja ka ndodhur në 15 janar, ku pas një konflikti për motive të dobëta, dy persona përkatësisht të moshave 24 dhe 34 vjeç, në bashkëpunim me disa persona të tjerë kanë plagosur me sende të forta dy shtetasit, B. C., 41 vjeç dhe V. M., 38 vjeç.
Lidhur me ngjarjen policia thotë se ka shpallur në kërkim dy autorët.
“Specialistët për Hetimin e Krimeve në Komisariatin e Policisë Sarandë referuan materiale në Prokurori dhe shpallën në kërkim shtetasit K. B., 34 vjeç dhe N. M., 24 vjeç, banues në Sarandë, pasi më datë 15.01.2026, gjatë një konflikti për motive të dobëta, në bashkëpunim me disa shtetas të tjerë të paidentifikuar, kanë plagosur me sende të forta dhe grushta shtetasit B. C., 41 vjeç dhe V. M., 38 vjeç, banues në Sarandë”,- thuhet në njoftimin e Policisë.
Materialet iu referuan Prokurorisë për veprime të mëtejshme.
