Policia e Devollit ka shoqëruar vëllain e kryebashkiakut Bledion Nallbati pas një konflikti me specialistin e SHÇBA-së
Pasditen e djeshme shtetasi Altin Nallbati ka goditur te dera e komisariatit specialistin e SHÇBA-së, Devi Agon, si dhe është grindur me bashkëshorten e këtij të fundit, po punonjëse policie.
Ngjarja ka ndodhur pasi një i afërm i Altin Nallbatit është shoqëruar në komisariat për prerje të paligjshme pyjesh. Ndërsa personi i shoqëruar në komisariat ishte duke u marrë në pyetje, 37-vjeçari Nallbati ka shkuar atje me një grup personash dhe ka nisur t’i kërkojë llogari punonjëses së policisë E.A., duke përdorur tone të ashpra dhe fyese ndaj saj me qëllim që të lironte menjëherë personin e shoqëruar.
Të bërtiturat dhe fyerjet e Nallbatit janë dëgjuar edhe nga bashkëshorti i polices, Devi Ago, i cili ka shkuar dhe ka ndërhyrë, por situata është agravuar, pasi Nallbati dhe Ago janë goditur me njëri-tjetrin. Menjëherë, Altin Nallbati është shoqëruar nga policia e Devollit.
