Ministri i Bujqësisë Bledi Çuçi është përplasur verbalisht me kreun e Lëvizjes Socialiste për Integrim në fshatin Izvor në Memaliaj, Yzeir Malkaj.
Mësohet se ngjarja ka ndodhur pasditen e sotme në fshatin Izvor , gjatë një takimi elektoral.
Çuçi ka vizituar sot këtë fshat dhe aty është përplasur me Malkajn.
Kryetari i LSI-së në fshatin Izvor, ka shkuar në takim si qytetar dhe ka marrë fjalën për të shprehur opinionet e tij në lidhje me situatën në fshat.
Në atë moment ka ndërhyrë kryetari i Bashkisë Memaliaj, duke i hequr fjalën dhe duke e cilësuar si të ‘LSI-së’.
Kjo ka çuar në nisjen e debatit verbal mes ministrit dhe Yzeir Malkaj.
