Kandidati i PD-së për bashkinë e Dibrës flet për prioritet në këtë garë dhe përgjegjësinë ndaj elektoratit e PD-së
Rruga e Arbrit është është borxhi që PD u ka dibranëve” ky është premtimi i parë i kandidatit demokrat për bashkinë e Dibrës Shefedin Shehu. “PD tashmë i ka borxh dibranëve Rrugën e Arbrit dhe unë do të jem një lobist i madh dhe besoj me Bashën Kryeministër vitin e ardhshëm ne do të mundësojmë edhe ndërtimin e Rrugës së Arbrit”, tha Shehu. Ai e konsideron si si përgjegjësi ndaj qytetarëve të zonës së tij elektorale në Dibër kandidimin për kryetar Bashkie në lkëtë qytet. Në një intervistë për Oraneës, Shehu është shprehur se kandidimi është gjtihashtu përgjegjësi e madhe ndaj PD-së.
“Kandidimi im është më shumë një përgjegjësi që unë e ndjeva para qytetarëve të Dibrës, të cilët më votuan dy herë si përfaqësuesin e tyre në parlament. Por njëkohësisht edhe para PD, ku unë kam shërbyer si zëvendës/Ministër i saj dhe njëkohësisht tashmë si deputet. Por arsyeja kryesore e ardhjes sime është sepse unë gjykova se Dibra ka nevojë thashmë për një vizion të ri, i cili u ndërpre në vitin 2013”, Për prioritet e tij në këtë garë dhe angazhimet nëse e fiton atë, Shehu thotë: “Së pari në mbështetjen e sistemit të vaditjes në bujqësi për të cilën Dibra ka shumë nevojë, por edhe përmirësimin e infrastrukturës duke përfshirë rrugët, energjinë elektrike, ujin e pijshëm, që do të mundësojnë jo vetëm afrimin e fermerëve me tregun, por do krijojë dhe mundësi të mëdha për turizmin malor, për të cilin Dibra ka potenciale shumë të mëdha”, tha Shehu.
