Sezoni turistik ka sjellë pastrimin dhe sistemimin e plazhit, ndërsa banorët e lagjes pranë vuajnë nga përmbytjet edhe në verë për shkak të bllokimit të një kanali. Bashkia e Lezhës thotë se do të ndërhyhet pasi të përfundojë sezoni turistik, që të mos krijohen probleme për pushuesit.
Banorët e lagjes së portit në Shëngjin ndodhen shumë larg realitetit të sezonit të ri turistik, që u shënua me pastrimin e rërës dhe sistemimin e mjediseve. Përkundrazi, janë me dhjetëra familje që sa herë ka reshje shiu, iu përmbyten shtëpitë për shkak të lënies përgjysmë të një kanali që nuk kryen largimin e ujërave. Ata thonë se pavarësisht ankesave në bashki, nuk kanë marrë ndihmë.
