Një manastir mbi 400-vjeçar i Shën Athanasit është shëmbur ditën e sotme në Leshnicën e Poshtme, rreth 50 km larg Sarandës.
Ky manastir, edhe pse është në listën e Monumenteve të Kulturës që duhet të mbrohen nga shteti, duket se nuk ka qenë asnjëherë në vëmendje nga Ministria e Kulturës.
Me anë të disa fotove banorët denoncojnë se institucionet shtetërore ishin vënë në dijeni muaj më parë, se objekti mbi 400-vjeçar rrezikonte të shembjen.
Manastiri është e tipit bazilike me një kupolë dhe mbishkrimi në hyrje të tempullit daton nga viti 1797. Brenda manastirit muret janë të zbukuruara me ikona të rrallë që përfaqësojnë një mrekulli të paçmuar kulturore.
