Një 20-vjeçar britanik u vu në pranga në përpjekje për të qëlluar me armë Donald Trump, kandidatin për President në SHBA.
Mediat shkruajnë se i riu Michael Steven Sandford me pretendimin se donte një autograf nga Trumpi u përpoq t’i merrte armën një oficeri brenda një tubimi të Trump në Las Vegas. Ai u tha autoriteteve vendase se kishte si qëllim të vriste kandidatin për President.
I riu britanik kishte planifikuar sulmin ndaj Trumpit rreth një vit më parë, por kishte vendosur që planin e tij ta vinte në veprim tani.
Kjo është hera e parë e një rasti flagrant, ku një kundërshtues i tij tenton që të qëllojë mbi të gjatë fushatës elektorale.
