Sak një javë pas sulmeve kimike në Duma, Presidenti amerikan Donald Trump ka shpallur që Shtetet e Bashkuara së bashku me Francën dhe Britaninë e madhe kanë lëshuar një seri bombardimesh mbi Siri.
“Objektivi ynë është të shkatërrojmë armët kimike të regjimit sirian”, ka thënë Trump gjatë një ndërhyrje të drejtpërdrejtë në televizion në prën 21.00 të Uashingtonit. Ai shtoi se “do të marrim gjithë kokhën e nevojshme për të shkatërruar aftësitë e tyre të armëve kimike”.
në të njëjtën kohë në Londër kryeministrja Theresa May deklaroi që “nuk na kishin mbetur alternativa të tjera, veç përdorimit të forcës”. Sipas një komunikate shtypi May bën me dije që “kam urdhëruar forcat britanike të udhëheqin sulme ajrore në objektivat shumë mirë të shenjuar të arsenalit të armatimit kimik të regjimit sirian”.
pak minuta pas orës 03.00 të mëngjesit me orën e Damaskut, Televizioni sirian dhe disa gazetarë të akredituar në këtë vend kanë konfirmuar që sulmet ajrore kanë filluar, madje disa shpërthime janë ndjerë në rrethinat e kryeqytetit.
Skretari amerikan i Mbrojtjes, James Mattis ka thënë gjatë një konference për shtyp në Pentagon, së bashku me shefin e shtabit Joseph Dunford: “Objektivët e marrë në shenjë janë të gjithë të lidhur me programin e armëve kimike të ushtrisë siriane. Në veçanti të sulmeve ka qenë Qendra e kërkimeve shkencore e Damskut, por dhe një qendër e prodhimit të armëve kimike në perëndim të qytetit Homs.
Ky është një mesazhi qartë për Assad-in”, ka thënë Mattis.
“vitin e shkuar regjimi i Assad-it nuk e kuptoi mirë mesazhin. Kësaj here goditëm në mënyrë të ashpër së bashku me aleatët tanë. Nëse do të realizojnë, një tjetër sulm me armë kimike, duhet të përgjigjen për përgjegjësitë e tyre”.
Burime nga regjimi i Assad konfirmojnë që kundër Sirisë “janë lëshuar rreth 30 raketa, një e treta e të cilave është rëzuar nga forcat kundërajrore”. Kështu është shprehur agjencia Reuters në një tweet. Gjithmonë sipas burimeve siriane, në Homs janë vrarë tre civilë.
