Një aksident i rëndë rrugor ka ndodhur në perëndim të “Exit 25” në Mount Olive të Shteteve të Bashkuara, ku një autobus shkolle ka shkaktuar mbylljen e të gjitha korsive.
Mësohet se autobusi ishte shkërmoqur dhe anuar, ndërsa shasia e tij ishte shkëputur nga pjesa tjetër e mjetit.
Deri më tani konfirmohen disa të plagosur. Sipas policisë së shtetit të New Jerseyt, edhe një kamion tjetër ishte përfshirë në aksidentin me autobusin e shkollës. Shumë pacientë janë transportuar në Qendrën Mjekësore “Hackettstown”, pa përcaktuar numrin ekzakt të tyre.
