Nga Klodian Tomorri
Shakaja me autostradën Tiranë-Durrës
Autostrada (në fakt nuk është autostradë) Tiranë-Durrës është jashtë çdo standardi ndërkombëtar.
Së pari, gjerësia e korsive. Standardet ndërkombëtare diktojnë që gjerësia e korsive duhet të jetë 3.7 metër. Korsitë e rrugës Tiranë Durrës janë 3.5 metër.
Së dyti, mund të jetë rruga e vetme në botë që nuk ka kanale shkarkimi anës, sepse kryeministrit iu çua mendja një ditë, që t’i vinte ca palma si çiban, në vend të kanaleve.
Tani, palmat u thanë. Në vend që të marrin të zgjerojnë rrugën dhe t’i bëjnë kanalet, do i vënë pisha.
E bëjnë këtë, edhe pse e dinë shumë mirë se për atë rrugë ka një projekt 100 milionë euro për ta çuar në standardet ndërkombëtare.
Madje, ARRSH ka hapur dhe garën për studimin e projektin, ndërsa Ministria e Ekonomisë e ka në listën e investimeve të parashikuara.
Palmat u thanë, këta do vënë pisha, të cilat nesër, kur rruga të zgjerohet do i shkulin prapë.
Po bëni një gjë të hajrit, jo të gjitha mbrapsht.
