Në një deklaratë për mediat jashtë parlamentit, ish-kryeministri Sali Berisha, e ka quajtur ditën e parë të sesionit të ri parlamentar si një seancë pagane. Ai u shpreh se në vendimet e paraqitura nuk kishte asnjë rresht të vetëm për qytetarin shqiptar. Berisha tha se qeveria duhet të marrë masa të paktën sa Kosova për t’i ardhur në ndihmë qytetarëve në nevojë.
“Ditë që inspiron më shumë mëshirë, dhembshuri dhe ndjeshmëri ndaj atyre që janë në vuajtje dhe në nevojë. Sot kjo seancë të thuash që ishte një seancë pagane i turpëro paganët, në një listë të gjatë vendimesh nuk kishte asnjë rresht të vetëm për qytetarin shqiptar. Rikujtoj se vetëm dy ditë më parë, jo qeveria gjermane e cila dha për qytetarët e saj 45 miliardë euro. Nuk e merr dot shembull por Kosova akordoi 100 euro për çdo pensionist, akordoi 100 euro për çdo student apo për ndërmarrjes publike, 50 euro për çdo punonjës administrate, e gjitha kjo0 për të përballur çmimet që sot në Kosovë janë 30% më të ulëta se në Shqipëri. Kurse ky Kuvend nuk ka asnjë vendim asnjë nen asnjë ligj për të mbështetur qytetarët shqiptarë në nevojë në këtë periudhë që po vidhen në mënyrë të tmerrshme duke shfrytëzuar rritje të çmimeve me bordet komuniste të Ramës”
