Vijojnë të regjistrohen lëkundje tërmeti në qytetin e Korçës dhe në zonat përreth.
Prej 24 orësh janë regjistruar me dhjetëra lëkundje tërmeti në juglindje të vendit. Lëkundja e fundit dhe më e forta është regjistruar në orën 15:01.
Sipas Qendrës Europiane të Sizmologjisë, tërmeti ishte me magnitudë 4.2. Epiqendra e tërmetit është regjistruar 17 kilometra në jug të Korçës.
Në fillim të qershorit rajoni i Korçës u trondit nga disa tërmete të fortë të cilat shkaktuan dëme në dhjetëra shtëpi dhe 4 të lënduar. Fshati më i prekur nga tërmeti ishte Floqi ku u dëmtuan mbi 100 shtëpi.
