Sot starton Seria A kampionati Italian i futbollit për edicionin 2018-2019. Juventusi do të nisë ndaj Chievos mbrojtjen e titullit ndërsa në Verona do të debutojë me fanellën bardhezi edhe Cristiano Ronaldo. Ylli portugez pas 9 viteve të kaluara në Madrid bën në “Bentegodi” debutimin në Serinë A dhe pritet të luajë në majën e sulmit ku së bashku me të do jenë Dybala.
Stadiumi pritet të jetë plotë për debutimin e Ronaldos ndërsa janë marrë edhe masa të rrepta sigurie. Trajneri Max Allegri i kërkon skuadrës të kthehet me këmbë në tokë dhe thotë se Ronaldo është gati. Starti i Serisë A me Chievo-Juventus është në orën 18:00.
Ndërsa në mbrëmje në “Olimpico” të Romës do të këtë një tjetër debutim. Carlo Ancelotti ulet për herë të parë zyrtarisht në pankinën e Napolit në ndeshjen ndaj Lazios. Në Lazio-Napoli do kemi edhe derbin shqiptar pasi përballë njëri-tjetrit do vihen Thomas Strakosha dhe Elseid Hysaj.
