Sergio Ramos rrezikon të jetë i skualifikuar për gjysmëfinalen e Champions League. Mbrojtësi dhe kapiteni i Real Madrid nuk luajti në ndeshjen kundër Juventus, si pasojë e një skualifikimi, por përpara se të mbyllej ndeshja zbriti në stolin e ekipit dhe më pas në tunelin që çon në dhomat e zhveshjes, një zonë e ndalur për të skualifikuarit.
Spanjolli u bë protagonist edhe i një debati të ndezur me trajnerin e Juventus, Massimiliano Allegri dhe në këto kushte UEFA mund ta dënojë.
Sa ndikon mungesa e Ramos te Real Madrid kjo ka qenë e qartë pikërisht në ndeshjen kundër Juventus, të cilën qendërmbrojtësi po e shikonte nga tribuna e nderit, derisa në fund të ndeshjes shkoi në stol dhe në tunel.
Ka shumë dëshmitarë që e tregojnë Ramos si “paqeruajtës” dhe të rëndësishëm në zbutjen e një sherri të mundshëm mes palëve, por çështja është se ai nuk duhet të rrinte në atë zonë.
Gazeta katalanase “El Mundo Deportivo” shkruan se ai ka shkelur rregullat 69 dhe 11 të kodit të disiplinës së UEFA. Vendi i takon UEFA-s.
