Ndërsa Edi Rama dha vetëm 50 mijë euro për maternitetin e Preshevës, ndërkohë që duket se e ka harruar atë që deklaroi dy vjet më parë, qeveria e Beogradit akordoi 2 milionë euro për Luginën e Preshevës.
Natyrisht kjo është dhënë në prag zgjedhjedh por duke u kujtuar shqiptarëve që mos shikoni nga Tirana dhe Prishtina por nga Beogradi.
Qeveria e Serbisë përmes Trupit koordinues për Luginën e Preshevës të drejtuar nga Zoran Stankoviq ndau paratë: Bujanocit do t’i jepen 114.4 milion dinarë, Preshevës 105 milionë dhe Medvegjës 36.1 milion dinarë.
Zoran Stankoviq ka thënë se fondet për infrastrukturën dhe aktivitetet e pushtetit lokal në jug të Serbisë në vitin 2016 u rritën me gjashtë milionë dinarë në krahasim me vitin e kaluar.
Liderët nga Lugina nuk janë te kënaqur. Kështu kryetari i Bujanocit Nagip Arifi ka shprehur keqardhjen se subvencionet për zhvillim ekonomik janë ulur me tetë milionë.
Stankoviq, para pak ditësh, deklaroi se “shqiptarët në Jug të Serbisë nuk mund t’i zgjedhin problemet e tyre përmes Prishtinës apo Tiranës, por përmes Beogradit…
/27.al/
