Persona me uniforma të Ushtrisë Serbe kanë kryer stërvitje ushtarake në veri të Kosovës ndërsa policia e Kosovës nuk ishte e njoftuar.
Hulumtimi i fundit i emisionit “Udhëve” në RTK dëshmon që pjesëtarët e të ashtuquajturit “Airsoft Klub Vukovi” në fillim të vitit në bjeshkët e Leposaviqit. Zv. Drejtori i Drejtorisë Rajonale të Policisë së Kosovës në Veri të Mitrovicës, Besim Hoti, pranon se për këtë aktivitet nuk është vënë në dijeni.
Edhe në gushtin e vitit të kaluar një aktivitet i ngjashëm është bërë në malet e veriut të Kosovës. Kjo gjë, vazhdimisht është bërë në emër të një organizate jo-qeveritare të regjistruar ne Ministrinë e Administratës Publike, me emrin “Airsoft Klub Vukovi”.
Megjithatë, në një intervistë për emisionin “Udhëve”, drejtori I departamentit të regjistrimit të OJQ-ve në këtë ministri, Bajram Kosumi, konstaton se veprimet janë të jashtëligjshme dhe se ato nuk përkojnë me statutin e kësaj organizate.
Prandaj, ai kërkon nga Policia e Kosovës që të vijnë në këtë department me një rekomandim, gjë kjo që do sillte mbylljen e kësaj OJQ-je, e cila sic duket është keqpërdorur nga shteti dhe ushtria serbe.
