Policia e Korçës ka sekuestruar 8 kilogramë kanabis sativa në Maliq, si dhe ka arrestuar dy poseduesit e lëndës narkotike.
Në pranga kanë rënë shtetasit Mariglen Katros, 33 vjeç, banues në fshatin Lumaj dhe Lerbi Xhemollari, 25 vjeç, banues në Elbasan.
Arrestimi i tyre ditën e djeshme, e mërkurë, në vendin e quajtur “Përroi i Popçishtit” në Moglicë të Maliqit, dy të rinjve iu gjet e sekuestrua me cilësinë e provës materiale në kushtet e flagrancës një sasi prej 8 kilogramë lëndë narkotike.
Ndaj të dyshuarve materialet iu referuan Prokurorisë së Korçës për veprën penale “Prodhimi dhe shitja e narkotikëve”, kryer në bashkëpunim.
