Deputeti i opozitës, Lefter Maliqi ka reaguar pas sekuestrimit të 26 pasurive të Ylli Ndroqi pas hetimet nga SPAK, duke akuzuar kryeministrin Edi Rama.
Përmes një postimi në Facebook, Vasili akuzon Ramën se duhet të kishte pritur të bëheshin të dyzetat e nënës së tij, për të urdhëruar SPAK që të mbyllë fjalën e lirë, dhe seleksionimet.
Maliqi shkruan se SPAK duhet të hetojë resortet, bizneset dhe ndërtimet gjigante të oligarkëve
Uji fle hasmi s’fle…S’thonë kot i mbyturi të mbyt. Ramzi dhe kur je në zi nuk heq dorë nga marrëzitë. Ditëzi po pa mbushur 40-tat për gjënë më të shtrenjtë që ka çdo njeri nënën, ti hidhësh e kridhesh në zullume?
Eh ta mendosh dita e tretë është dita kur shpirti i çdo të vdekuri është në përballje me engjëj e demonë se nga do vejë në Parajsë a në Ferr. Ngushëllime për nënën, por a ke ndonjë cep zemre që të lëngon? A mendja veç për të liga të punon? Si mor demon si; në mënyrë të pabesë urdhëron SPAK-un tënd të mbyll fjalën e lirë, bizneset e Ylli Ndroqit? Prisje vjeshtën o ditëzi të kaloje 40-tat dhe vazhdoje me hakmarrjet, padrejtësitë, seleksionimet.
E di çdo shqiptar që kush del kundra teje dhe Rilindjes së krimit ti i gjobit, i kërcënon, i shantazhon, i dhunon etj, siç bëre me zërin kundër të Agon Channel që i detyrohesh mbi 110 milion euro me taksat e shqiptareve, siç shantazhove Çilin, Lubonjën, godite Lelën, i mbylle emisionet Krastës e Rakipit, e plot gazetar e analistë që për ty ditëzi janë kazanë.
Mëkatet e tua nuk kanë fund. Spaku yt pse nuk heton resortet, bizneset, ndërtimet gjigante të Oligarkëve të tu, se dihet miliardat tuaja, të qeveritarëve tuaj as i afrohen ata jo më ti hetojnë. Nuk doja të bëja politik këtë muaj por kur të drejton i keqi vendin e merr dreqi, kur ditëziu nuk njeh as zi as qetësi, kur në pandemi shkatërron Teatrin kombëtar dhe gjobit, kërcënon e shantazhon çdo kundërshtar nuk rrija dot në heshtje. Ditëzi fundin e ke ndryshe nga ç’ëndërron…
