Guvernatori Gent Sejko ka deklaruar se ndërhyrja e përkohshme Bankës së Shqipërisë për të blerë euro në tregun monetar do të vijojë deri sa kursi i këmbimit të kthehet në normalitet.
Sejko bëri të ditur se në sistemin bankar qarkullojnë mbi 4 miliardë euro, ndërsa Banka nuk disponon të dhëna për sasinë informale të monedhës europiane që qarkullon në tregun informal.
Krahas efektit të kursit të këmbimit, të cilin guvernatori e ka cilësuar si kalimtar, Sejko u shpreh se ekonomia e vendit është në trend pozitiv rritje.
